LORCA EN GALEGO

MADRIGAL A CIBDA DE SANTIAGO

Chove en Santiago

meu doce amor.

Camelia branca do ar

brila entebrecida ô sol.

Chove en Santiago

na noite escura.

Herbas de prata e de sono

cobren a valeira lúa.

Olla a choiva pol-a rúa,

laio de pedra e cristal.

Olla no vento esvaído

soma e cinza do teu mar.

Soma e cinza do teu mar

Santiago, lonxe do sol.

Ãgoa da mañán anterga

trema no meu corazón.

Federico García Lorca

GENERACIÓN DEL 27

Continuamos o estudo de textos poéticos e xeracións de escritores que traballaron por e para a poesía. Desta vez centrarémonos na Generación del 27, á que pertencen, entre outros moitos autores, Jorge Guillén, Pedro Salinas, Rafael Alberti, Federico García Lorca, Dámaso Alonso, Gerardo Diego, Luis Cernuda, Vicente Aleixandre, Manuel Altolaguirre e Emilio Prados.

No seguinte enlace tedes as principais características desta xeración, tamén chamada "Generación de la amistad" ou "Generación del 25".
A continuación realizaremos unha serie de actividades que atoparemos na Biblioteca Virtual Miguel de Cervantes, no apartado Aula Virtual de La Generación del 27

QUE NON CHE COMA A LINGUA O GATO

Como cada xoves, hoxe na clase limos o xornal. En La Voz de Galicia, na sección de Sociedade aparecía o seguinte titular: "Los niños británicos aprenderán a componer blogs y a utilizar Wikipedia en el primer ciclo de enseñanza". Todos estabades dacordo co positivo da iniciativa, e mesmo algún chegou a imaxinar un mundo no que os profes desaparecesen e os ordenadores fosen os mestres.

Parece que vós tedes ben claro que hai vida máis alá dos libros de texto, as catro paredes da aula e a lección maxistral.

Mágoa que aínda queden máquinas programadas para dar clase que non saben ou non queren abrir os ollos e ver máis lonxe.

TEXTOS POÉTICOS

O verso é a unidade mínima dun texto poético. Unha estrofa está formada por un grupo de versos, e varias estrofas forman un poema.

A palabra verso procede do latín versu "liña" (do verbo vertere "virar, volver").

Segundo a métrica, é dicir, o número de sílabas, os versos clasifícanse en: bisílabo (2), trisílabo (3), tetrasílabo (4), pentasílabo (5), hexasílabo (6), heptasílabo (7), octosílabo (8), eneasílabo (9), decasílabo (10), hendecasílabo (11), dodecasílabo (12), tridecasílabo (13), alexandrino (14), pentadecasílabo(15)...

A rima é a coincidencia total ou parcial das terminacións de dous ou máis versos. Prodúcese a partir da vogal tónica da derradeira palabra de cada verso. Se a coincidencia afecta só ás vogais, chámase asoante. Se abrangue vogais e consoantes é consoante.

Le o seguinte texto de Celso Emilio Ferreiro, do seu poemario Longa noite de pedra, e sinala o cómputo silábico dos versos e o tipo de rima.

Agora tomo o sol. Pero ata agora

traballei cincuenta anos sen sosego.

Comín o pan suando día a día

nun labourar arreo.

Gastei o tempo co xornal dos sábados,

pasou a primavera, veu o inverno.

Deille ó patrón a flor do meu esforzo

e a miña mocidade. Nada teño.

O patrón está rico á miña conta,

eu, á súa, estou vello.

Ben pensado o patrón todo mo debe.

Eu non lle debo

nin sequera este sol que agora tomo.

Mentras o tomo, espero.

A. MACHADO: PROVERBIOS Y CANTARES

LE CON ATENCIÓN ESTES BREVES POEMAS DE CARÁCTER REFLEXIVO QUE ANTONIO MACHADO DENOMINOU "PROVERBIOS Y CANTARES"

I

El ojo que ves no es

ojo porque tú lo veas;

es ojo porque te ve

--------------

II

Para dialogar,

preguntad primero;

después...escuchad.

--------------

LIII

Tras el vivir y el soñar,

está lo que más importa:

despertar.

--------------

LXVI

Poned atención:

un corazón solitario

no es un corazón.

--------------

LXVIII

Todo necio

confunde valor y precio.

-------------

A vosa tarefa consistirá en elexir un destes textos e elaborar un pequeno comentario sobre as reflexións que provocan en vós as palabras de Machado.

GENERACIÓN DEL 98

Mis amigos (1920-1936), de Ignacio Zuloaga, inacabado. (Museo Zuloaga). En primeiro termo, á dereita, José Ortega y Gasset; xunto a el, Gregorio Marañón e detrás, Ramón del Valle-Inclán, entre outros. Á esquerda, con boina,Pío Baroja.

Esta semana imos visitar a páxina RincónCastellano para estudar unha parte fundamental da historia da literatura española, a chamada Generación del 98, formada por un grupo de escritores nacidos na segunda metade do século XIX, entre os que destacan

Unamuno, Pío Baroja, Valle-Inclán, Azorín, Juan Ramón Jiménez e Antonio Machado.

Faremos un breve repaso das súas vidas e obras, e leremos algúns dos textos máis representativos do estilo destes autores.
Miguel de Unamuno: San Manuel Bueno, mártir

Pío Baroja: El reloj

Antonio Machado: Soledades

Juan Ramón Jiménez: Platero y yo

A XOGAR!

Pasados estes días de traballo intenso, exames incluidos, hoxe toca... xogar!

Vía Materiales y Recursos de Aula, o magnífico blog de Ana Basterra, atopamos este estupendo enlace: Historic Tale Construction Cit. É unha ferramenta moi divertida para crear as nosas propias historias sobre a vida na Idade Media.

Atoparás varias categorías de imaxes (edificios, animais, guerreiros, actividades cotiás...), coa posibilidade de engadirlles texto e un marco a cada escena. Deste xeito poderás crear o teu propio cómic da Idade Media

SEMANA DA PRENSA

Comezamos a Semana da Prensa

cunha cuestión moi sinxela que debedes resolver.

Sinalade os xéneros periodísticos de información e os de opinión:
noticia - editorial - artigo - reportaxe - columna - crónica

A continuación buscade exemplos de cada tipo nos xornais que atoparedes no seguinte enlace

PROBLEMAS CO SISTEMA OPERATIVO?

Dificultades co sistema operativo e as novas tecnoloxías, en xeral?

Tranquilos, que non hai problema que non se amañe. Algunhas veces padecemos certas situacións angustiosas coas novas tecnoloxías, e mesmo semella que o ordenador estase a rir de nós. Non vos sintades inseguros que todos pasamos por momentos difíciles. Mirade este vídeo e xa me diredes.

8 DE MARZO, DÍA DA MULLER TRABALLADORA

Como non podía ser menos, unímonos á celebración do DÍA INTERNACIONAL DA MULLER TRABALLADORA o 8 de marzo, unha data ben significativa para as mulleres e os homes que cremos na igualdade.

Para coñecer máis sobre o motivo e a orixe deste día, o vocabulario da desigualdade e datos sobre poboación, cultura, paz e política, preme na imaxe.

A continuación buscade información sobre as seguintes mulleres, fixádevos na época na que viviron e os feitos que protagonizaron en relación co tema que estamos a tratar:

• Clara Zetkin
• Concepción Arenal
• Rosa Lee Parks
• Virginia Woolf
• Simone de Beauvoir

Momo e Ibrahim.

Este libro chamado O señor Ibrahim e as flores do Corán é un libro que ao principio é divertido porque di as cousas que fai, que precisamente non son cousas moi boas e a todos nos fan gracia. Pero no transcurso do libro xa non se fai tan divertido porque fala de que vivía só co seu pai e o pai o abandona. Grazas a que un home chamado Ibrahin coida de el, quéreo moito coma se fose un fillo e tamén o educa. O final da historia nunca se pode contar porque se non xa hai algún que perde o interese en lela, pero podo dicir que é un libro moi bo e que esta moi interesante, malia a tráxica morte do pai adoptivo, aínda que ao final coñece á súa nai.

José Antonio e Juan José López

O señor Ibrahim e as flores do Corán

Este libro gustoume porque é un libro fácil de entender e non se complica moito. A parte negativa, na miña opinión, é a tristura do protagonista ao verse só, porque xa estaba sen a súa nai e despois abandonouno o seu pai. Parece que a marcha do seu pai non lle afectou moito, pero cando se enterou de que morrera doeulle bastante. Vése que o señor Ibrahim o quere moito porque lle axuda en todo o que pode e acaba adoptándoo. Ao final gustoume que por fin atopara a felicidade e que se reencontrara coa súa nai.

Belén

A IMAXINACIÓN AO PODER

A DESCRICIÓN

Imos traballar os textos descritivos, é dicir, aqueles que nos presentan obxectos, lugares (topografía), o aspecto físico das persoas (prosopografía), a súa maneira de ser e actuar (etopea), ou os dous aspectos á vez (retrato), e mesmo os procesos e as fases que os compoñen.
Segundo afirmaba o escritor francés Honoré de Balzac, os obxectos que temos son os que mellor nos retratan; así, o que levamos nos petos, na mochila, o que gardamos nun caixón ou debaixo da cama, poden dicir moito dos nosos temores, gustos, manías ou costumes.
Vincent Van Gogh foi un pintor dunha gran sensibilidade cara aos obxectos cotiáns. Un dos seus cadros máis famoso é o titulado O cuarto de Vincent en Arlés

A seguinte imaxe corresponde a un cadro de Edward Hopper, un dos máximos representantes do realismo americano, que amosa algunha das constantes da súa obra: a soidade e a tristura. O seu título é Cuarto de hotel

A vosa tarefa consistirá en escoller un destes cadros e elaborar un texto descritivo, de maneira obxectiva ou subxectiva. Prestade moita atención ás formas, cores, luces e mesmo sensacións que provoquen en vós.